Den komishon sentral di parlamento Minister pa Desaroyo Ekonómiko Eugene Rhuggenaath a informá ku su ministerio a proyektá un kresementu di ekonomia di 0.5% pa 2016 i 0.7% pa 2017. A pronostiká dos senario pa 2017. Unu ta kouteloso, ku subida di 0.3% i unu ta mas optimista di un kresementu di 1.1%. Den e presupuesto a indiká e avershon di e dos nan aki, esta 0.7%. Rhuggenaath a bisa ku el a mira un kresementu leve den 2016 pero ta notabel ku tantu importashon komo konsumo a baha. Invershonnan priva i di afó tambe a keda atras. Pa e motibu ei no ta konsiderá e sifranan komo kresementu i mester hasi máksimo esfuerso pa drecha e sifranan den e añanan benidero.