top of page

Hopi negoshi a tuma e prekoushonnan nesesario pa pasashi di Matthew.


(Foto Facebook Mitch van Velzen) For di tempran hopi tabata esnan ku a kuminsá prepará pa pasashi di Matthew den oranan di anochi. Por a tuma nota di varios negoshi ku tabata hasi e ahustenan nesesario pa di e manera ei nan ta mihó prepará pa e kantidat di awa ku ta antisipá.

Un di e prekupashonnan grandi tabata tambe e diferente bòrchinan di propaganda polítiko ku ta plamá rònt Kòrsou e dianan aki, den kuadro di elekshon ku mester a tuma lugá djabièrnè 30 di sèptember. Durante e konferensia di prensa di gobièrnu den oranan di atardi, Minister Suzanne Camelia-Römer a splika ku tin atenshon pa e situashon, pero no a tuma un desishon fiho ainda. Algun polítiko a disidí pa no laga nan bòrchi para i kousa eventual peliger di bula bai o okashoná daño debí na bientunan fuerte ku a antisipá.

bottom of page