Awa a kousa molèster kaba na un dje sitionan ku mester fungi komo “shelter”.

Miéntras ku ainda Kòrsou no a haña e efektonan intenso di awa i bientu ku pasashi di tormenta tropikal Mateo ta trese kuné, ya tin problema na un dje “shelternan”. Ora maestro i alumnonan di skol tekniko St.Jozef a yega skol awe mainta, a konstatá un situashon di awa ku a yena na vários parti di skol. E áwaseru ku a kai den oranan di mardugá a sòru pa molèster na e skol. Ademas e awa tabata manda un holó di berpùt desagradabel. Loke ta hasi e kaso mas serio ta ku skol tekniko St.Jozef ta hustamente un dje e sitionan ku gobièrnu a apuntá komo “shelter” den kaso ku lo mester tin evakuashon debí na pasashi di tormenta tropikal Mateo (Matthew).

Klek riba imágen pa mira fotonan grandi.