Kuater persona a bira malu despues ku maribombanan a pika nan riba Jufferspad, ku ta un via di baiskel entre Elim i Hollandscheveld den Hoogeveen na Drente, Ulanda. Tres persona mester a bai hòspital. E di kuater a bai un sentro médiko. Tur pa motibu di un reakshon di alergia severo, ku nan a haña despues di e pikánan di maribomba. Segun testigunan okular ta trata di piká di maribomba. Muy probablemente ta trata aki di un Vespa crabro, un maribomba grandi (na ulandes: hoornaar), ku por yega e tamaño di 3,5 cm. “Mi a haña piká tras di mi kabes, mi esposa tambe. Mi esposa a dal abou for di baiskel. Ora ma fula patras di mi kabes, tabatin algun maribomba gordo,” segun un di e víktimanan a deklará na un periodista di RTV Drenthe. A sera e via di baiskel ku ta masomenos un kilometer i mei i ta keda entre Schoonhoveweg i Zuideropgaande. E munisipio lo kombatí e marimbombanan na e sitio pa asina e por habri atrobe.