Situashon ta tenso na porta di Isla.(VIDEO/FOTO)


Polis a sera kaya na altura di Post 5 en konekshon ku akshonnan di trahadónan di kompania di kontratista na Refineria Isla. Niun vehíkulo no por transitá den e dos direkshonnan di e via dilanti e refineria.

Tabatin algun disturbio ora trahadónan hostiná a pega táyer i barínan na kandela. Entre tantu bomberonan a logra paga e kandelanan, ounke no sin algun forsageo ora trahadónan den akshon na e sitio a lanta kontra nan i a trata di stroba e bomberonan.

Alcides Cova den representashon di e trahadónan di kompania di kontratista ta den deliberashon ku efektivonan di Isla pa intermediá i yega na solushon ku e representante di kompanianan di kontratista.

Kuerpo di bombero den serkania di Emmastad. Na altura di Wilelminalaan nan ta kontrolá algun “brandput” den serkania di Refineria Isla pa kualke eventualidat. Pa e bomberonan mes esaki ta un trabou di rutina.