No ta tur ora konseho pa vakuna na biaheronan ta kuadra.


Segun e asosiashon di konsumidó ulandes, regularmente tin algu robes o e konseho riba rísiko pa salú pa biahenan leu, no ta kuadra. Esaki a base di un investigashon chikitu.

Kontroladornan inkógnito di e asosiashon a bishitá binti dòkter i sentro di vakuna. Na tur e konsultorionan tabatin algu ku no ta kuadra. Hopi bia ta rekomendá vakuna kontra hepatítis B i rabies, miéntras no tabata nesesario. Di otro banda eróneamente ta bisa un biahero ku e no tatin mester di un di dos vakuna pa hepatitis A. Un fayo grandi, segun e asosiashon. Na diesseis di e binti konsultanan no ta duna informashon tokante posibel síntomanan di e vakuna òf píldora ku a rekomendá; prinsipalmente efekto di e píldoranan kontra malaria por ta grandi. Tambe e informashon tokante sangura no semper tabata kompletu. Mayoria konseho no ta menshoná ku mester usa e produkto DEET, kontra e sangura di dengue, durante dia tambe. Na Sur- i Sentro Amérika e sangura di dengue i keintura hel tin mal nòmber pasobra nan por transmití e vírus di Zika. P’esei kuater muhé na estado, trahando inkognito komo kontrolador, a puntra konseho tokante un biahe pa Surnam, inkluso biahe pa interior di e pais. Dos di e dòkternan no a deskonsehá e biahe, lo kual ku sí mester a sosodé. No ta prudente pa duna muhénan na estado un vakuna kontra keintura hel.