![](https://static.wixstatic.com/media/8d73fb_f987838ed35e4a9e83937eb88baccca9~mv2.jpg/v1/fill/w_147,h_112,al_c,q_80,usm_0.66_1.00_0.01,blur_2,enc_auto/8d73fb_f987838ed35e4a9e83937eb88baccca9~mv2.jpg)
E asosiashon di pilotnan hulandes VNV ta bai wes pa para e medida di ousteridat relashoná ku penshun pa pilotnan di KLM. E ultimatem ku e organisashon a duna e aerolínia a vense. E sindikato di pilotnan a pone e ultimatem despues ku e aerolínea a anunsiá ku e lo anulá e akuerdo di penshun. KLM ke sali di e indexering garantisá riba e penshun di su pilotnan. Den un karta e organisashon a partisipá na e pilotnan ku un kaso den korte ta inevitabel. Den e karta tin pará: “VNV ta bai pidi su abogadonan pa prepará un dagvaarding i kuminsá e trayekto hurídiko. Tambe nos lo deliberá si mester bin otro akshonnan.”
Dor di e reglanan nobo ku a keda introdusí resientemente, e kobertura relashoná ku e fondo di penshun di KLM ta muchu abou i e kompania mester a stòrt mas o ménos 600 mion euro aserka. Esaki por pone e negoshi na peliger, segun su ekspertonan.