Den un komunikado ofisial, Banko Sentral a partisipá awe, ku Presidente Direktor di e banko ta tuma fakansi. KOMUNIKADO OFISHAL DI PRENSA 2016-08-11 EMITÍ PA BANKO SENTRAL:
En konekshon ku desaroyonan di último dianan, sr. Tromp, presidente direktor di Banko Sentral di Kòrsou i Sint Maarten, ta desmentí kategórikamente e akusashonnan ku a keda tresé dilanti. Sinembargo den kuadro di interes general, i spesífikamente interes di Banko, a tuma desishon pa tuma vakashon i di e forma aki duna koperashon kompletu na e investigashon ku ministerio públiko ta ehekutando. Konforme artíkulo 19, insiso 5, di e statutonan di Banko, sr. J. Hasselmeyer a keda apuntá komo presidente interino, te ku próksimo aviso. CENTRALE BANK VAN CURACAO EN SINT MAARTEN