Durante un enkuentro ku personal, den e siman tras di lomba, CEO Tim Cook a anunsiá ku Apple a bende su di mil mion iPhone. Apple a konta tur sifra di benta di tur modèl di iPhone huntu for di e promé aparato na 2007.
No a partisipá detaye di e echo memorabel akí. No ta muchu kla, ta ku benta di ta kua modèl di iPhone, e rèkòr a keda establesé i no ta konosí ta ken a kumpr’é. For di sifranan di e kuartal akí, ya tabatin indikashon ku e echo memorabel akí tabata serka di sosodé.
Na fin di e kuartal na yüni, Apple a bende mas ku 988 mion iPhone.
E sifranan di benta di iPhone a baha drástikamente último tempu. Apple a bende den e delaster kuartal 40,4 mion smartphones, ku ta 21% ménos ku den e mesun kuartal na 2015.