VPCO no por kobra alumnonan pa skol.


Den un kaso ku un grupo di mayor a kuminsá kontra e direktiva di skolnan protestant, hues a dikta, ku e direktiva no por kobra mayornan pa skol, debí ku esaki ta kontra di e lei pa enseñansa liber. Miéntras ku e proseso di fondo ta kana, e direktiva di skol no por kobra e mayor. Un grupo di mayor a kuminsá e kaso debí ku VPCO ta kobra nan kontribushon i den kaso ku nan no paga, ta ekspulsá nan yu for di skol. Wes a mustra ku di niun forma e direktiva por kobra mayornan. Pues tampoko komo miembro di un asosashon. E echo ku VPCO òf kualke otro direktiva di skol ta kobra kontribushon ta kontra e lei ku ta regla enseñansa liber.