Tres YdK ta marka historia den Weganan Olímpiko na Tokio.


Tokio - Pa promé biaha den historia Ulanda ta logra medaya di plata den karedanan estafèt maskulino durante Weganan Olímpiko. E tim formá pa tres YdK, Liemarvin Bonevacia, Terence Agard, Ramsey Angela i un ulandes Tony van Diepen ta esnan ku a logra e tremendo hazaña pa reino. E kompetensia a ranka sali den e promé ronda ku Bonevacia ainda patras den e kareda. Sinembargo Agard a logra ranka e tim oraño manda dilanti den e di dos ronda. Den e di tres ronda Van Diepen a mantené i konsolidá e posishon ulandes pa den e rekta final Angela logra pasa Botswana i kue e históriko medaya di plata pa Ulanda. Ku un tempu di 2.57,18 minüt, e tim ulandes ta pone un rèkòrt nashonal nobo riba 4X400 meter. E rèkòrt anterior tabata na 2.59,06.



Ku e logro akí Ulanda ta bai para awor na 33 medaya den Weganan Olímpiko na Tokio. Tabata e tim merikano ku a logra e medaya di oro riba 4X400 ku nèt ún sekònde i mei mas lihé ku e tim ulandes