Trahadónan insigur di Refeneria Isla ke mira kòntrakt ku Klesch.


Willemstad - Durante un reunion ku a tuma lugá na sede di e sindikato PWFC trahadó rabiá a eksihí nan liderazgo pa mira e kòntrakt entre Refineria di Kòrsou i e kompania Klesch ku ta intresá na tuma e instalashonnan petrolero ofer. Esaki ta e reakshon despues ku a bira konosí, ku Klesch lo no tuma e refeneria ofer pa fin di yüni, loke ta nifiká ku varios trahadó lo pèrdè trabou. Mas aleu e trahadónan no ta di akuerdo ku lo mester bai selektá ken ta keda i ken tin ku bai kas. Nan a pone bon kla, ku sea tur trahadó ta keda o tur ta bai.


E sindikatonan a splika ku ta trahando riba alternativa, ku ya ta konta ku aprobashon di RDK i Gobièrnu, mientras ku e siman akí lo reuní tambe ku hunta di komisario riba e plan. E idea ta pa purba mantené mas tantu hende o tur hende na trabou despues di yüni awor.