Minneapolis- Protestanan fuerte debí na morto di George Floyd (46) a sigui den fin di siman na varios suidat grandi na Merka. No opstante di e ‘toke de keda’ ku outoridatnan a pone, manifestantenan a subi kaya masal na Atlanta, Los Angeles i Chicago. Na Minneapolis mes, kaminda e insidente a tuma lugá, presensia di ehersito merikano a logra trese poko pas den dia, pero den oranan atrobe tabatin disturbio. Rònt Merka tabatin konfrontashon ku polis den e dianan ku a pasa, despues ku e hòmber di koló Floyd a fayesé ora ku un polis a keda ku su rudia riba garganta di e hòmber durante su aresto. Un hende den besidario a graba e suseso ku a bai ‘viral’ riba internèt i start un ola di protestanan violento. Manifetsantenan a kibra i kima varios lugá, entre otro un warda di polis na Minneapolis i edifisio di CNN na Atlanta. Na diferente parti nan a blòkia trafiko tambe. Entre tantu a detené e kuater agentenan polisial ku tabata envolví den e kaso. For di un outopsia independiente a sal na sali kla ku e victime a fayesé, debí na falta di rosea.
Kommentarer