Problema mundial pa komuniká via WhatsApp, Facebook i Instagram.


Willemstad - A surgi un problema tékniko riba nivel mundial ku komunikashon riba e plataformanan sosial di WhatsApp, Facebook i Instagram. Den oranan tempran di djaluna mèrdia varios usuario rònt mundu a kuminsá duna indikashon ku nan tin problema pa manda o risibí mensahe via WhatsApp. Riba Instagram, usuarionan no por ‘refresh’ nan ‘feed’ pa por mira kontenido nobo. Via un wèpsait spesial dediká pa usarionan por mèldu ora tin probelma, mas i mas hende rònt mundu a kuminsá señalá e mesun problemanan tekniko. Via nan kuenta di Twitter, Facebook ku ta e kompania mama di tantu WhatsApp komo Instagra a duna di konosé ku nan ta na altura di e situashon i ta trahando pa solushoná e problema ku a surgi riba e popular plataformanan sosial.