Pentagon a manda militar pa protehá Washington.


Washington - Ministerio di Defensa na Pentagon a manda 1600 militar pa kapital di Merka, Washington pa yuda mantené òrdu durante e manifestashonnan relashoná ku e protestanan di ‘Black Lives Matters’. Te ainda e militarnan ta stashoná den un base pegá ku White House pendiente pa kualke eventualidat. Na komienso di siman, presidente Donald Trump a deklará di ta dispuesto na uza forsa militar pa kontrolá e situashon.


Den varios siudat rònt Merka ainda tin hopi protesta i no opstante ku tin ‘toke de keda’, hopi hende a subi kaya tòg den siudatnan manera Los Angeles, Philadelphia, New York i Washington.


E aktual protestanan relashoná ku morto di George Floyd, ku a muri na man di un polis ku a aresté, ta ser konsiderá e akshonnan mas grandi for di tempu ku a asesiná Martin Luther King Jr. na aña 1968