top of page

No tin selebrashon di Sanikolas na Kòrsou e aña’ki.


Willemstad - Fundashon Pa Nos Muchanan a disidí ku e aña ‘ki lo no organisá e aktividat di yegada di Sanikolas na Kòrsou. E fundashon a duna tres (3) motibu pa nan desishon.

Debí na COVID-19, no por tin aglomerashon di hende, ademas e gastunan pa organisá e aktividat ta haltu i no tin sufisiente spònser pa kubri esakinan. Finalmente e organisashon a tuma nota ku hopi hende ta konsiderá e fiesta di Sanikolas komo un selebrashon ku ta promové rasismo. Konsiderando e situashon tenso ku tin aktual na Merka i otro partinan rònt mundu relashoná ku rasismo, no ta e ideal pa organisá yegada di Sanikolas na Kòrsou e aña’ki.


Maske kuantu inovashon a bini kune pa kambia entre otro e pietnan su kolo i otro aspekto, sinembargo nada a kambia o logra trese un diferensia. E organisashon no ta haña ku mester tin tantu diskushon rondó di e fiesta di mucha. E preshon ta grandi riba e organisashon i a influensiá partisipashon di spònsernan.


E organisashon ta bai pensa algu otro ku por bini kune i selebrá un fiesta di mucha na otro manera.

Comentários


bottom of page