Kanye West ta duna 2 mion dòler, pa gastunan di estudio pa yu muhé di George Floyd. [video]


Chicago - Kanye West a hasi un donashon di 2 mion dòler komo sosten na e famia di George Floyd, Ahmaud Arbery i Breonna Taylor, asina un representante di artista a bisa CNN. E donashon ta pa kubri gastunan legal pa Arbery i Taylor. Ahmaud Arbery i Breonna Taylor tambe a bira viktima e aña akí debí na abusu polisial i rasismo. E donashon di West ta tambe, un sosten finansiero pa varios negoshi di hendenan di koló ku a bira viktima na Chicago, debí na corona virus.

Kanye West a kubri tambe tur gastu di estudio pa George Floyd su yu muhé di seis aña, Gianna Floyd.


Despues di morto di George Floyd na Minneapolis, na man di e polis Derek Chauvin, ku a tene su rudia durante nuebe minüt largu riba e hòmber su garanta, hopi ta esnan ku ta pidi atenshon mundial pa deskriminashon sistematiko.


Den varios siudat rònt mundu a organisá protestanan di e organisashon ‘Black Lives Matter’, pa eksihí akshon polítiko konta pa habuzo polisial kontra hende di koló.


[video kortesia CNN]