Kòrsou a eliminá ‘Toke de Keda’ i ta pendiente pa habri farandulá i amplia bishita na iglesia.

Willemstad - Entrante djaweps anochi 4 yüni, ta eliminá ‘Toke de Keda’ na Kòrsou. Negoshinan por drai orario nòrmal atrobe. Ta eliminá tambe e orario adaptá pa trùk di pan. Trùknan di pan por habri nòrmal atrobe durante orario di anochi. Sinembargo ta re-introdusí prohibishon di aglomerashon di hopi hende huntu i ta bai kontrolá bèk riba aglomerashon di mas ku 25 persona.

Segun Minister di Hustisia Quincy Girigorie, gobièrnu ta na mesa ku AMAK ku representá e sektor di farandulá lokal. E idea ta pa promé di yüli kuminsá drai farandulá bèk. Ta papiando riba e posiblidat pa habri farandulá segun un sistema basá riba e kantidat di hende ku ta pèrmití pa meter kuadrá den fiesta i eventonan grandi. Otro siman lo disidí kon ta bai sigui atendé ku farandula lokal

Gobiernu ta pendiente tambe pa tene un Konferensia di Prensa èkstraordinario relashoná ku habrimentu di frontera. Durante e dianan ku ta sigui, lo papia tambe ku iglesianan pa oumentá e kantidat di hende den misa di 50 pa 100 hende ku por atendé servisionan religioso.