Izaline Calister den su último presentashon pa aña’ki na Kòrsou durante ‘E Ben Bén”.

Willemstad - Djabièrnè 11 di òktober Kòrsou tei eksperiensiá, pa promé biaha, un ambiente diferente i dushi den Landhuis Chobolobo (Saliña). ‘E Ben Ben’, ta show, ta fiesta, ta ambiente, ta bailamentu, ta kombersá, ta dalmentu di biter, ta biña, ta kuminda… tur den ún! Den ún palabra, un ‘gezelligheid’ kaminda hende nèchi tei topa pa disfrutá di bon musika, ku ko’i kome i bebe den un dushi ambiente.

Riba e djabièrnè, for di 8or di anochi ‘E Ben Bén’ ta start i lo tin presentashon di Randal Corsen Orchestra. Riba e anochi aki RCO ku streanan di kas Dibo D, ‘Richie Rich’ Pieter, Yumarya Grijt lo kompañá tambe Izaline Calister ku lo tei for di Ulanda. Esaki lo bira e último oportunidat e aña’ki pa mira i disfrutá di Izaline ‘on stage’ aki na Kòrsou. Huntu RCO lo tin presentashon tambe di Axel & Friends i DJ Leannon.

Lo tin un ‘food court’ super ‘cozy’ kaminda tur hende por kome, kombersá i sinta un ratu. Meskos lo tin un pista di baila, pasó ta ambiente i bailamentu ta bai tin. E idea ta pa den un ambiente dushi, riba un djabièrnè, habri wikènt ‘gezellig’ i ku musika di kalidat.

Karchinan limitá, ya ta na benta i te ku djamars 24 di sèptèmber por haña karchi ‘Early Bird’ pa solamente 35 florin na Van der Tweel Zeelandia, Mensing’s Caminada i via caribbeanticketsshop.com. Despues entrada lo bira 45 florin. Por yama tambe na 517 28 01 pa mas informashon.

Pues tur kos ta kla, pa un ambiente diferente i úniko, riba djabièrnè 11 di òktober awor, ora hopi hende dushi topa i disfrutá den ‘E Ben Bén’.