top of page

E pelikula Buladó filmá na Kòrsou lo representá reino den Oscar 2021.


Willemstad - E pelikulá Buladó lo ta entre e mihó pelikulanan internashonal na mundu durante e di 93 edishon di entrega di Oscar otro aña. E seremonia maksimo den mundu di sinematografia, lo tuma lugá dia 25 di aprel 2021. E organisashon merikano mester a kambia e fecha tradishonal di 28 di febrüari debí na e krisis di corona. Buladó, ku ta un pelikula di e yu di Kòrsou Eché Janga, ku aktuashon di Everon Jackson Hooi i Felix de Rooy, lo representá Ulanda i reino den e katorgia International Feature Film durante Oscar 2021.

Dia 25 di sèptember último, e Buladó a debutá na Ulanda durante Nederlandse Film Festival i a keda koroná ku e premio maksimo di ‘Gouden Kalf’ komo e mihó pelikula. Buladó a keda filmá kompletamente na Kòrsou i ta trata di un mucha muhé Kenza (Tiara Richards), ku ta lanta na Kòrsou den un lugá di slop outo, huntu ku su Tata Ouira (Everon Jackson Hooi) i su tawela Weljo (Felix de Rooy). Kenza su Tata ta agente polisial i su tawela ta fasiná ku e mundu di spiritualidat. Kenza mes ainda ta en buska di su propio identidat.

“E pelikula a resultá hopi bunita”, e aktor Everon bisa den un promé reakshon riba e nominashon pa Oscar. “Mi nos sa kon grandi nos posiblidatnan ta. Tampoko mi no sa kiko sobrá di mundu lo manda. Mi ta spera ku e pelikula lo mishi ku kurason di e merikanonan. Si esei sosodé, lo ta un logro grandi”, Everon Jackson Hooi a finalisá bisando. Aktualmente Buladó ta hungando den teaternan rònt Ulanda i na komienso di 2021 lo por mira e pelikulá filmá na Kòrsou, produsí pa YdKs i ku aktuashon estelar di yunan di Kòrsou riba Netflix tambe.


Kommentarer


bottom of page