Despues di 9 aña Merka ta manda promé buelo komersial den espasio.


Florida - Den fin di siman e kompania SpaceX a logra lansa e kapsulá ‘Crew Dragon’ eksitosamente. Ta despues di nuebe aña ku Merka a bolbe manda un rakèt ku hende den espasio. Loke ta hasi e lansamentu historiko ta, ku e ta promé buelo komersial ku ta bai e stashon espasial ISS for di suela merikano. E lansamentu tabata programá for di den siman, pero debí na mal tempu mester a posponé. Finalmente djasabra atardi seisor, e astronoutanan Bob Behnken i Doug Hurley a lanta buelo for di e base Kennedy Space Centre na Cape Canaveral den e estado di Florida. Den kurso di e siguiente dia mes, e kápsula a yega na e stashon espasial.