Dòkter Izzy Gerstenbluth no tin coronavirus. [video]


Willemstad - Dr. Izzy Gerstenbluth pèrsonalmente a desmentí e rumornan ku aparentemente e ta e pashènt number 17 ku a tèst postivo. Den un video ku dòkter a graba anochi lat den garashi di hòspital riba Dia di Mama, el a splika ku e no tin COVID-19 i ta bon bon di salú.

Dr. Gerstenbluth a reafirmá ku na Kòrsou te ainda tin 16 kaso di hendenan ku a tèst positivo, di kual 14 a rekuperá, unu a fayesé i unu ta den hòspital ainda. Finalmente Dr.Izzy a hasi un apelashon un biaha mas pa stòp di plama ‘fake news’ i sigui kanalnan ofisial di informashon pa eventual desaroyo nobo.