Curacao North Sea Jazz lo por ta bèk pa 2023.

Willemstad - Tur kos ta indiká ku pa 2023, e popular festival musikal Curacao North Sea Jazz lo por ta bèk. Asina Gregory Elias ku ta inisiadó i motor prinsipal tras di e evento a bisa durante un entrevista ku e medio rubiano Notisia Cla. Elias a duna di konosé sinembargo ku tur kos ta dependé di e desaroyonan rondó di Covid-19. E último biaha ku Kòrsou a selebrá e gran fin di siman musikal di Curacao North Sea Jazz tabata na 2019 ku entre otro presentashon di Juan Luis Guerra, Pitbull, Earth Wind & Fire, Mariah Carey, Gladys Night, Maroon 5 i Nicky Jam. Awor ta di spera ku tur kos lo sigui kana faborabel di manera ku pa 2023 Curacao North Sea Jazz lo ta bèk.