top of page

Crazy Diamonds ta selebrá 20 aña na “The Magic of Chakras”


Trahe di Crazy Diamonds pa selebrashon di Karnaval 2020

Willemstad - Huntu ku e selebrashon di 50 aña Karnaval di Kòrsou i 50 aña Festival di Tumba, grupo di Karnaval Crazy Diamonds tambe lo selebrá 20 aña na 2020. Durante di e 20 añanan, e grupo a mantené su nòmber no opstante di sirkunstansia ku por a presentá. Semper ku e mesun ambiente i goso, briyando den marchanan di Kòrsou su Karnaval.

E tema ku a keda skohí pa por selebrá den grandi e logro di 20 aña Crazy Diamonds ta: “The Magic of Chakras”. E tema lo ilustrá e balansa i energia ku ta biba den kurpa di un karnavalista pa via di e wil di kolónan di chakra. Kada koló di chakra tin su nifikashon i punto den e kolumna vertrebal di kada karnavalista.  

E 7 kolónan di chakra a wòrdu elaborá p'asina duna e balansa i nifikashon den e trahe. E wil di chakra lo tin e kolónan lila, Blou, "turquoise", bèrdé, hel, oraño i fuksia i ta visibel den e trahe i piesa di kabes (headpiece). Na mes momento tur kos den bida mester tin e balansa yin i yan, e bon i malu. P'esei e koló pretu i blanku ta forma base di e trahe. Komo toke final hopi stenchi i briyo pa ilustrá e lus i magia di diamante. Crazy Diamonds ta habri e oporunidat pa tur esnan interesá por partisipá tumando e pakete spesial di "early bird". Esaki lo ta balido pa solamente Naf 950, si bo paga bo kontribushon promé ku 7 di desèmber 2019. Despues di e preis di partisipashon ta bira nòrmal Naf 1150. Studiantenan te ku 23 aña ku tin nan komprobante di e aña eskolar 2019/2020,  por partisipá na un tarifa spesial. Pa mas informashon por app na 693-1313

Comments


bottom of page