top of page

CCC i SDKK a inougurá eksposishon di Ka’i Òrgel miniatura.



FOTO : Henri Cornelia, Pres. di CCC, Marilyn Alcala-Walle, Min. di Enseñansa, Siensia, Kultura i Deporte, Quincy Girigorie, Min. di Hustisia, Otmar Sasso, representante di SDKK

Willemstad - Durante un enkuentro hopi animá Sentro Kultural Kòrsou (CCC) huntu ku Sentro di Detenshon i Korekshon Kòrsou (SDKK) a inougurá nan eksposishon di Ka'i Orgel Miniatura traha for di material desechabel dor di klientenan di SDKK. Durante e apertura Minister di Hustisia, señor Quincy Girigorie, komo Minister di Enseñansa, Siensia, Kultura & Deporte, señora Marilyn Alcalá-Wallé ku a hiba algun palabra.

E proyekto Ka’i Orgel Miniatura ta un inisiativa ku a nanse for di e organisashon di Sentro Kultural Kòrsou, ku den kuadro di aña di Ka’i Orgel, kier a duna su kontribushon pa promové nos Ka’i Orgel den komunidat. Danki na su diferente partnernan entre otro Sentro di Detenshon i Korekshon Kòrsou (SDKK), Kas di Kultura i Fundashon Museo di Ka’i Orgel i Refineria Isla di Kòrsou, e proyekto aki a bira realidat.

E eksposishon di Ka’i Orgel Miniatura ta habrí pa públiko durante e periodo di 27 pa 29 di sèptèmber di 9’or di mainta pa 4’or di atardi. E eksposishon ta den e Ouditorio di Sentro Kultural Kòrosu situa na Koniginnelaan den Emmastad. Entrada ta gratis.

Di tur e Ka’i Orgel Miniatura ku a keda produsí, un komishon kalifiká lo premiá e tresnan ku mas a destaká huntu ku esun ku e nòmber mas original. E premiashon lo tuma lugá den luna di òktober próksimo.



Comments


bottom of page