Aruba ke kuminsá risibí 2K turista pa siman.


Oranjestad - Minister di Turismo di Aruba Dangui Oduber a splika ku e isla ta preparando pa habri su frontera bèk entrante 1 di yüli awor. Segun Oduber kisas e fecha tentativo por ta hasta mas promé.

Ta e idea pa entrante 15 di yüni awor, habri ekonomia intèrno di Aruba pa despues por kuminsá risibí bishitante di afó tambe. Tur kos ta dependé di e preparashonnan i e situashon lokal na Aruba. A prepara diferente protokòl ku i pa e sektor turistiko. Hotel, restorant, aeropuerto, kompanianan di aviashon, hür outo i taksinan lo mester prepará i tene nan mes na e protokòlnan promé ku por habri pa risibí bishitante.


Promé ku COVID-19 a surgi, Aruba tabata risibí sigur 20 mil turista pa siman. Awor e isla ta aspirá na kuminsá risibí masomenos 2 mil turista pa siman. Entretantu kompanianan di aviashon manera JetBlue, American Airlines, Spirit, Copa i Avianca a bisa ku nan lo ta dispuesto pa trese turista pa Aruba.