Pronto radionan na Aruba, Kòrsou i Isla Riba mester paga pa toka artista.


Entrante 1 di yüni awor, pa prome biaha den historia, emisoranan na Aruba, Boneiru, Kòrsou i St Maarten tin cu paga pa por toka kansionnan di artistanan lokal i internashonal. E instansia karibense, Ducapro a firma un akuerdo ku e kompania kanades SOCAN pa kobra derechi di outor. E bufete di abogado DK Legal, di e abogado rubiano David Kock, ta esun enkargá pa kobra e emisoranan. Radio emisoranan ya a kuminsá risibí un karta ku oferta pa nan firma pa paga ‘royalties’. E suma ku radionan tin ku paga, no ta konosí i abogado Kock a prefera pa no divulgá esaki ainda. Emisoranan ku no firma e akuerdo promé ku dia 1 di yüni, lo keda kobrá despues tòg, den kaso ku nan toka e kansionnan. Pronto lo lansa un wèpsait riba kua por mira kua artista lokal i internashonal ta forma parti di e lista.

E akuerdo ku a firma ku ta enserá entre otro ku SOCAN lo provee servisio di administrashon artistanan di e islanan Aruba, Boneiru, Kòrsou i St.Maarten. “Nos akuerdo ta un oportunidat úniko pa e komienso di un organisashin nobo di ku ta atendé derecho pa prestashon den e hemisferio oksidental,” asina Eric Baptiste ku ta CEO di SOCAN a splika. E abogado pa Ducapro, David Kock a bisa ku SOCAN tin e èkspèrtisio pa sostené pago na kreadornan internashonal i lokal. y proceso pa esaki tuma lugar. Varios emisora ya mustra ku nan ta kontra di e idea i no ta di akuerdo ku mester paga pa toka kansion di artistanan.