Bankonan den Karibe ta nota un oumento den atakenan sibernétiko.

(Minister di Hustisia di Belize, Kenneth Benjamin)

Bankonan den Karibe tin atenshon serio pa krimen sibernetiko. Resientemente a tuma lugá na Belize un foro pa trata e tema. Manera vários habitante den Karibe, un pareha di edat na Belize, ku a bira víktima di ladronisia di identidat.

E pareha Chulin a haña un yamada fèrfelu di nan yu hòmber, ku tabata studia den eksterior. El a purba uza nan tarheta di krédito, pero no tabata por. Despues di a chèk ku banko, nan a konfirmá ku un hende ya a pasa e límite i laga famia Chulins ku un pèrdida di vários shen dòler. A logra rekobrá e plaka, pero e trouma ta keda. Belize a tuma e pasonan nesesario den kuadro di ladronisia di adrès i otro menasanan sibernétiko. E simposio ku e pais a tene tokante seguridat sibernétiko a trese banko i klientenan huntu pa pone énfasis riba e insidentenan kresiente di krimennan sibernétiko kontra bankonan. Famia Chulins tabata sintá den un foro pa splika nan eksperiensia na e públiko. E representantenan di e sektor finansiero di e pais a bini huntu den Banko Sentral, pa fokùs riba stratégianan práktiko pa defendé kontra atakenan sibernétiko ku ta eskalando kontra e institutonan finansiero den Karibe. E foro a dura un siman i a asentuá ku tin fayonan grandi i ku ainda no ta kla pa reakshoná kontra atakenan sibernétiko kontra institushonnan finansiero.

E simposio keda organisá pa ‘Belize Public Utilities Commission’ i ‘the Caribbean Network Operators Group’, ku ta un organisashon voluntario ku ta traha pa salvaguardiá e ret di kòmpiuter den region.

Na final di e evento, Belize a sali komo lider den region, presentando un modèl kon otro sistemanan hurídiko den Karibe tambe por prepará pa defendé i respondé kontra e menasa i atakenan sibernétiko.