FARC a entregá mas arma.


E presidente kolombiano Juan Manuel Santos ta satisfecho ku e moveshon gueria FARC, a entrega un 30% mas di nan arsenal di arma na Nashonnan Uni. Santos a kategorisá e dia komo “unu históriko.” Te awor, FARC a entrega 60% di nan armanan. Presidente Santos a sigui bisa : “Pas, ta konstruí poko poko, meskos ku ta konstruí un katedral piedra pa piedra.” E presidente tabatin intenshon pa presensia e seremonia di entrega di arma, pero debí na mal tempu e nos por asistí. Aña pasa FARC i Colombia a sera un akuerdo ku ta pone fin na 52 aña gera. Tin sigur 6800 rebelde den e áreanan ku aktualmente ta demilitarisá. Nan ta warda einan te ora nan por bin bek den komunidat. E moveshon geria a haña tempu te 20 di yüni pa entrega nan armanan i despues nan por sigui komo partido polítiko.