Kantidat di kompanianan ku ta bai fayit na Ulanda, a oumentá.


E kantidat di kompanianan ku a bai fayit na Ulanda a subi algu. Na luna di mei último, 277 kompania a keda deklará fayit. Esei ta 17 kompania mas, kompará ku aprel (260). Segun informe di Centraal Bureau voor de Statistiek (CBS) na Ulanda, den 9 aña, e kantidat na aprel 2017 tabata mas abou. Aparte di servisionan komersial, na luna di mei último, e kantidat di bankarota a oumentá den tur sektor empresarial. Sinembargo, di tur sektor, komèrsio tabatin e kantidat mas grandi di bankrut, esta 55 kompania.

Di un banda, den e promé sinku lunanan di e aña akí tabatin un kuart ménos di empresanan ku a bai fayit, kompará ku e mesún periodo na 2016. Na mei 2013 e kantidat di empresanan ku a bai fayit a yega e punto kulminante. Despues di esei por papia di un bahada. Na aprel 2017 e kantidat di bankarota bankrut a yega na su punto mas abou for di desèmber 2007.