A detené direktor di kompania di haf na Sint Maarten.


Djarason último, outoridatnan a detené Mark Mingo na aeropuerto di Sint Maarten. Mingo ta direktor di e kompania di haf na Sint Maarten. A detené Mingo riba sospecho di froude i labamentu di plaka relashoná ku un kòntrakt entre e kompania di haf i un kompania di seguridat. Ora a detené Mingo, e tabatin intenshon di bandoná e isla. E investigashon hudisial ku tin e nòmber Emerald ta kondusí pa un tim spesial di RST, Landsrecherche di Kòrsou i Sint Maarten i Ministerio Públiko. E CEO dje kompania di haf, ta ninga tur akusashon.