MEO a bolbe haña konteiner (4) ku kos kaduká na HHB.


Djaweps mainta, e tim multi disiplinario di gobièrnu huntu ku polis a bolbe hasi diferente kòntròl na Kòrsou. MEO a bolbe bai Hector Henriquez riba Caracasbaaiweg. Na e negoshi ku ta bende ‘por mayor’, a bolbe haña varios produkto ku a kaduká, skondé den un kònteiner i tapá ku palèt. A topa entre otro un kantidat di kònteiner ku kos kaduká for di 2011. Ta trata di karni, nuggets, batata i hopi kos mas. MEO a haña na sigur 4 kònteiner ku kos daña. GGD a duna órden pa destruí tur kos.