Gobernador Lucille George-Wout di Kòrsou a a bai di akuerdo ku e proposishon di e mayoria den Parlamento pa nombra Ruthmilda Larmonie-Cecilia komo formadó pa yega na un gabinete interino. Gabinete di Gobernadó a konfirmá esaki den komunikado djarason mèrdia. E komunikado ta bisa: ‘Gobernadó di Kòrsou a tene kombersashon konsultativo dianan 20, 21 i 22 di febrüari ku presidente di Parlamento, presidente interino di Raad van Advies, minister di Estado, un delegashon di plataforma ‘Dialogo Nashonal’, lidernan di frakshonnan ku ta representá den Parlamento i tambe e miembronan independiente den Parlamento. Despues a tuma lugá un kombersashon di orientashon entre gobernador Lucille George-Wout i formadó aspirá Ruthmilda Larmonie-Cecilia. Basá riba tur kombersashon, gobernadó a disidí pa kuminsá mesora ku proseso pa yega na un formador di un gabinete-interino.