Kòrsou a partisipá na konferensha di OCT-EU na Aruba.

Di 21 pa 25 di febrüari 2017 ta tuma lugá e di diessinku konferensia di OCT-EU na Aruba. OCT-EU ta e asosashon di pais i teritorionan den otro parti di mundu di kuá paisnan di Union Europeo ta forma parti. E tópikonan ku lo trata durante e konferensia ta energia renobabel, kon lo bai atendé ku riesgonan di kambio di klima global i relashon entre e paisnan despues ku Inglatera a sali for di Union Europeo. Durante e konferensia lo tin tambe reunion entre e promé minister di e paisnan miembro ku representantenan ofishal di nan respektivo gobièrnu. Na e konferensia ta partisipá entre otro Promé Minister di Aruba Mike Eman, Promé Minister di St. Maarten William Marlin, Promé Minister di Kòrsou Hensley Koeiman i Minister Ronald Plasterk di Hulanda.

Huntu ku Promé Minister di Kòrsou tabatin tambe Minister Plenipotensiario na Hulanda Eunice Eisden, Ann Philipps, direktor di gabinete di Minister Plenipotensiario na Hulanda, Judric Pietersz ku ta konsehero di Minister pa Asuntunan General, Vanessa Dijsseldonk eksperto na departamento di relashonnan Eksterior, Irving Moeniralam ku ta konsehero pa asuntunan polítiko i Kenneth de Haseth ku ta hefe di protokòl.