Lady Gaga ke lansa su propio marka di biña.


Lady Gaga ta planeá pa lansa su propio marka di biña. Segun TMZ e biña di Lady Gaga lo yama Grigio Girls. E nòmber dje kompania di biña ta paresé komo e piesa bónus riba e álbum mas resien di Gaga titulá Joanne. Grigio Girls ta un piesa ku Gaga a skibi pa su amiga Sonja ku ta sufri di kanser. E ta trata di e anochinan ku e kantante a pasa ku su amiganan kaminda nan a habri un bòter di biña i a yora huntu pa motibu di enfermedat di Sonja. Aparentemente e kantante no ke solamente lansa un marka di biña, pero tambe un kuler pa biña, kòktel i pùnchnan traha di biña. No ta konosí ainda pa ki temporada Grigio Girls lo ta riba merkado.