Gassan a firma “Addendum” pa sostené gobièrnu nobo.


Den oranan di djadumingu atardi, e parlamentario independiente Gassan Dannawi a firma un asiná yamá “Addendum” ku e e grupo di 11 Parlamentario ku tin mayoria, den kuá e sostené un gobièrnu nobo. For di djabièrnè ku a pasa, Dannawi a entregá su karta di retiro na partido MAN. Durante e último 10 añanan, Dannawi a forma parti di MAN, pero e no tabata muchu kontentu ku e resien desaroyonan den e partido. Via retnan sosial, Dannawi a indiká ku e lo no ta un “rubberstamp” pa e koalishon di MAN-PAR-PNP-PS den Parlamentu. E deklarashon di Dannawi a kousa basta konsternashon. Despues ku e koalishon a pèrdè mayoria den Parlamentu, Gassan a indiká ku si no bin kambio den liderasgo di su partido MAN, lo e konsiderá su partisipashon na elekshon, ku MAN. Ku sosten di Dannawi, e mayoria den Parlamentu awor ta na 12 miembro.