Gassan Dannawi a retirá for di MAN i bira independiente.


Mientras den Parlamentu e reunion tantu antisipá ku un mayoria nobo, tabata tuma lugá, Parlamentario Gassan Dannawi a manda un karta pa su partido MAN i deklará su mes independiente denParlamentu. Den su karta e Parlamentario a gradisí MAN pa e último 10 añanan ku el a forma parti di e partido blou, pero no a spesifiká e motibu di su retiro.

Den Parlamentu a pasa diferente moshon, pa baha ministernan Suzanne Camelia-Römer, Zita Jesus-Leito, Eugene Rhuggenaath i Kenneth Gijsbertha. A mantené Promé Minister Hensley Koeiman i Ornelio ‘Kid’ Martina i e 11 Parlamentarionan a ratifiká nan sosten na Jaime Cordoba i Ruthmilda Larmonie-Cecilia. A pasa un moshon tambe ku e petishon pa nombra Ruthmilda Larmonie-Cecilia komo formadó pa un gobièrnu nobo.