Parlamentarionan (11) a proponé Ruthmilda Larmonie-Cecilia komo formadó nobo.


Den un karta ku e 11 miembronan ku mayoria den Parlamentu a manda pa Gobernadó Lucille George-Wout nan ta proponé èks minister Ruthmilda Larmonie-Cecilia komo formadó pa un gabinete nobo. “Den kuadro di kontinuidat nesesario di gobièrnu ta di gran importansia pa nos pais ku riba un tèrmino mas kòrtiku posibel por forma un gabinete (-interino) ku por konta riba sosten di mayoria den Parlamento”. E Parlamentarionan a proponé Ruthmilda Larmonie-Cecilia, konsiderando e lei di integridat di ministernan. Den e karta nan a pone tambe ku e gabinete aktual no ta konta ku sosten di mayoria i ku nan ta pendiente pa gobernadó afirmá esaki. Finalmente e Parlamentarionan a splika den karta ku otro opshon lo no ta aseptabel nan.