Na komienso di e siman akí, e divorsio di Marc Anthony a bira ofisial. Di e forma akí a yega un fin na e matrimonio di e popular kantante i e modelo Sharon de Lima, asina People en Español ta raportá. Ni Marc Anthony, ni Sharon de Lima tabata presente den korte. Ambos tabata representá pa nan abogado. E matrimonio dje pareha a dura dos aña. Den desèmber a bira ofisial ku ya Marc i Sharon no ta huntu mas. Sharon de Lima ta e modelo ku a aktua den video clip di e kansion “Flor Pálida” di Marc Anthony. Pa un tempu kaba, tabatin rumornan ku e pareha lo a separá. Den un deklarashon pa E! e pareha ta bisa : “Despues di un evaluashon profundo, nos a disidí, komo bon amigu, na pone un fin na nos matrimonio,” asina Anthony i e modelo venezolano a deklará. “Nos ta pidi pa respetá nos privasidat den e momentunan difisil akí. Nos lo no hasi mas deklarashon pèrsonal tokante e asuntu”. E pareha no tabatin yu ku otro, pero ambos tin yu for di nan relashonnan anterior. Pa Marc Anthony, esaki ta su di tres matrimonio. Den pasado e tabata kasá tambe ku Dayanara Torres i Jennifer Lopez.