Depsues di 50 aña, promé eksportashon kubano legal a yega Merka.

Pa promé biaha despues di masomenos mei siglo (50 aña) un barku a hiba karga for di Cuba pa Estados Unidos na manera legal. E barku a drenta haf na Florida ku un karga di 40 tòn di karbon kubano.

“Esaki ta e komienso di un era nobo den komèrsio entre Merka i Cuba”, asina e direktor di e kompania ku a transportá e karga a bisa The Miami Herald. El a papia di un momento históriko. For di añanan 60 tin un embargo kontra Cuba. Èks-presidente Obama a suavisá e restrikshonnan komersial kontra e pais komunista. Importashon di sierto produktonan for di Cuba ta pèrmití, pero nan mester ta produsí pa di kompanianan independiente.

Awor ku Donald Trump ta presidente, no ta muchu kla ku lo sigui ku mas karga. Trump a deklará ku ta su intenshon pa drei bèk e desishonnan di su antesesor, relashoná ku Cuba.