Promé minister kanades ta bishitá Kas Blanku.


Kas Blanku a anunsiá ku otro siman Justin Trudeau minister presidente di Canada lo bishitá presidente merikano Donald Trump. Tur dos lider ta relativamente fresku. Trudeau, ku ta liberal lenks a bira promé minister di Canada den novèmber 2015 i e populista drechi Trump a bira presidente di Merka desèmber 2016. Segun opservadónan en todo kaso tin riba agènda e asuntu di e pipanan di Keystone ku mester saka petrolio sintétiko for di Canada pa Estádos Unídos i e komèrsio liber den Merka. Trump ke sali for di e akuerdo di komèrsio liber di Merka (NAFTA) di 1994, prinsipalmente pa motibu di e relashon komersial ku Mexico. NAFTA ta un akuerdo entre Canada, Mexico i Estádos Unídos. Pa Merka, Canada ta e sosio komersial mas importante despues di China. Merka ta eksportá mas ku 250 mil mion dòler pa Canada i ta importá alrededor di 275 mil mion dòler for di nan.

No ta konosí si nan dos lo papia tokante e prohibishon di entrada ku presidente Trump a bin kuné kontra habitantenan di e shete paisnan islámiko. Trudeau i Canada ta konosí pa nan aktitut akogedor pa ku e refugiadonan.