InselAir a kanselá vários destinashon.


InselAir lo no bo bula mas pa Baranquilla na Colombia ni pa San Juan Puerto Rico. E kompania di aviashon a kanselá e destinashonnan pa por tin un skema mas stabil i pa di e forma ei rekobrá e konfiansa di pasahero i empleadonan. Mas aleu lo bula e ruta Aruba-Santo Domingo-Sint Maarten únikamente un bia’ pa siman na lugá di dos. Manera ta konosí, ya kaba a stòp di bula Havana na Cuba. E skema di buelo a keda adaptá pa mehorá e merkadonan prinsipal di e kompania, esta e buelonan pa i for di Aruba, Boneiru, Kòrsou i Sint Maarten. E kambionan lo tuma lugá e siman aki ainda. E sobra destinashonnan lo keda forma parti di e skema di InselAir. Pa via di kontraktnan di "lease" lo sòru pa rutanan ku avionnan di otro kompanianan di aviashon. Lo bula e buelonan di Kòrsou pa Sint Maarten ku avionnan di Dominican Wings, mientras Swiftair lo bula e ruta entre Kòrsou i Miami. Pa buelonan pa Sùrnan lo "lease" avionnan di Fly Allways. Ayera bosero di e CEO di InselAir a deklará ku ta den kombersashon tambe ku Copa i Avianca. Lo tuma kontakto ku tur pasahero ku ya a kumpra nan pasashi pa Baranquilla òf San Juan, lo risibí restitushon kompleto di nan pasashi. Ta konsehá pa personanan ku no a logra alkansá, tene kontakto ku e servisio pa kliente di InselAir.