Angela Merkel a keda ofisialmente reeligí komo kandidato pa kansier pa e partido CDU/CSU. 24 di sèptèmber elekshon ta tuma lugá na Alemania. E partido CSU ta un partido ruman di CDU ku ta partisipá únikamente den e region Aleman di Bavaria. CSU pa algun tempu kaba tabatin su dudanan pa ku Merkel debí na desishonnan ku el a tuma relashoná ku migrashon i refugiadonan. Aktualmente partidonan CDU/CSU tin un kongreso ta tuma lugá na Munich. Puntonan importante riba e agènda ta e táktika ku e partido tin ku hiba pa por derotá e partido sosial demókrata SPD den e próksimo elekshon. SPD a subi den enkuestanan.