Sürnam ta bai lansa un programa di rahabilitashon urbano den Paramaribo. E proyekto ta bira posibel ku un finansiamentu di 20 mion dòler di Inter American Development Bank (IDB). E proyekto ta enserá revitalisashon sosio-ekonómiko den e sentro históriko di e siudat. Di e manera akí ke atraé habitantenan i negoshinan bèk den e área. Ademas ke restourá su balor komo herensia kultural, redusí kongestionamentu di tráfiko i fortifiká e marko institushonal pa un maneho duradero. Paramaribo, kapital di Sürnam, tin 243.556 habitante, loke ta 45 porshentu di e poblashon di e pais. E siudat antiguo ta konsistí di 48 bènder (hektária) i un zona adishonal ku mas di 100 bènder. Na 2002, Paramaribo a subi e lista di World Heritage Site di United Nations Educational, Scientific and Cultural Organization (UNESCO). E konsentrashon di tantu edifisionan ku herensia kultural históriko i sitionan urbano, tin un gran potensial pa kontribuí nan un desaroyo sostenibel i ekitativo di e siudat. Sinembargo e área ta tin hopi dekadensia físiko, sosial i ekonómiko. Esaki ta stroba su potensial i ta forma un menasa riba e parti físiko i e nombramentu designá pa UNESCO.
Ta e idea pa ofresé mas posibilidat pa hür na hendenan ku entrada variá. Ademas lo desaroyá strategianan komersial nobo pa partisipashon di sektor privá.