Konsulado merikano ta prohibí pa bula ku InselAir.


Konsulado merikano na Kòrsou a tuma e desishon di prohibí su personal pa usa InselAir pa biahenan ofisial. E Konsulado a yega na e desishon debí na diferente insidente ku a tuma lugá resien i ku ta pone na duda e seguridat ku e kompania di aviashon lokal mester brinda. Ta hasi menshon entre otro di kuater buelo di InselAir ku a mester a bolbe Kòrsou debí na problemanan tékniko. E insidentenan a tuma lugá durante e seis lunanan ku a pasa. E medida ta un desishon temporal i na momentu ku no tin base pa prekupashon mas, lo kanselá esaki. Den kuadro di e desishon, Konsulado merikano ta duna konseho tambe na merikanonan, pa no bula ku InselAir. E medida di Konsulado merikano, sigur no ta yuda e situashon difisil ku InselAir ta pasa aden na e momentunan akí.