Sur Korea ke duna Volkswagen un but di 32 mion dòler.

Sur Korea ke duna Volkswagen un but di 32 mion dòler debí na un skandal di disel. Sinku èks-ehekutivo ta keda akusá. E komishon pa komèrsio honesto di Sur Korea a pidi pa hasi un investigashon den e kantor prinsipal di Volkswagen na Sur Korea.

Volkswagen a primintí pa kolaborá ku e investigashon di outoridatnan surkoreano, pero ta bisa ku ainda outoridatnan, no a pone nan na altura. E but imponé, ta esun di mas haltu ku a ser duná den e pais asiátiko pa motibu di propaganda falsu.

Den un deklarashon Volkswagen a anunsiá ku lo hasi tur su posibel pa rekobrá e konfiansa di outoridat, klientenan i otro interesadonan na Korea. Den pasado Sur Korea a duna e kompania di outo un but kaba di 17.8 mil mion won (masomenos 14,2 mion euro). Tambe a suspendé benta di outonan Volkswagen.