ANOCHI 2 : Skuch'é públikooo! Vilma a haña su karchinan. Lista pa e di tres anochi. (VIDEO)


E di dos anochi den Festival di Tumba ta tras di lomba. Na tur 19 tumba a zona den un Curaçao Festival Centre hopi yen. Mester hasi menshon tambe di DREAMS ku a zona fenomenal i regreso den tumba, di un banda popular di genero "comeback", manera tbt e kaso den pasado. Classic XD tambe a presentá dos tumba riba e di dos anochi di tumba. Aparte di tur e agrupashonnan musikal ku a presentá, hopi hende tabata pendiente tambe pa mira kon GIO lo zona, despues ku aña pasá a surgi un kambio drástiko den e banda i Gibi Doran, lider i doño di e banda, a anunsiá ku e legendario GIO lo stòp. I GIO a saka kara un biaha mas.

Nos a topa Vilma atrobe. Ku poder di Dios e aña 'ki riba e fecha ku Gran Marcha ta kai e gran dama akí lo kumpli 80 aña i ta fiel fanatiko di tumba. Tur aña e tei tur anochi i su lenga skèrpi. I ora nos topa semper Vilma tin un punt'í redu.

E di tres anochi tambe ta primintí di bira elektrisante, ku presentashon di 6 banda ku 27 tumba. Kos ta start 8pm i konsiderando e kantidat di tumba, lo no ta "showtime" na komienso di e programa.