
Eks-presidente merikano, Barack Obama a apoyá e protestanan ku tabatin den hinter e pais, debí na e polítika migratorio nobo di e gobièrnu di Donald Trump. Asina su portabos, Kevin Lewis a deklará. Obama a bisa ku e lei migratorio ta un lei ku ta diskriminá pa motibu di religion.
E èks presidente ta sinti su mes konmoví pa e nivel di kompromiso, ku ta tumando lugá den hinter e pais. El a referí na e protestanan, pa motibu di restrikshonnan dor di gobièrnu, pa ku entrada di refugiado i siudadanonan di shete pais, den mayoria muslem. Esaki ta e promé reakshon públiko di èks presidente Obama, ku a kaba di pasa mando pa Trump i a bai ku un fakansi privá ku su famia.