4 tumba a kai afó pa promé anochi di Tumba 2017.


Tur kos ta kla pa e promé anochi preliminar di Festival di Tumba 2017. Riba e promé anochi tin tres agrupashon músikal a kai afo ku kuater tumba. E agrupashonnan músikal Queens, Son Krioyo i Los Nuevos Magicos, ya no ta partisipá. Elvis Serapio Pietersz ku "Jump Jump" (Queens), Harold Janga ku "Awor Te'ori Ban" (Son Krioyo), Gregory Alexander ku "Casino Despensa Dunami Un Kos" i Menky Rojer ku "E Wega di Agedres" (Los Nuevos Magicos) ta esnan ku no ta partisipá mas. Esaki ta pone ku na tur 15 tumba lo keda presentá riba e promé anochi. Entre e kantantenan ku ta presentá riba e promé anochi, tin dos Rei di Tumba den persona di Urvin ‘Luwi’ Jano i Amos Balentien, ku ya a bisti e korona. E banda ku lo presentá ta Tropical Boys, Felito Martinez & 6to Sentido, Grupo Ritmiko Caribenses, Daiquiri Band, Vega, Dejavú i Buleria.