Riba petishon di oposishon, e reunion públiko di parlamento tokante Federashon pa Deporte i Rekreo Sosial (FDRS) ku mester a tuma lugá den e siman aki a keda posponé te ku próksimo aviso Segun MFK, e partido mas grandi den oposishon, no tin nesesidat pa reuní bou di sirkunstansianan aktual. MFK i KdNT a komprondé ku Parlamentu ainda no a entrega nan petishon na Raad van Advies (RvA) tokante e asuntu di aprobashon di e kredensialnan di e shete miembronan nobo den Parlamentu. Segun oposishon e manera ku e miembronan nobo a risibí nan signatura, no a bai segun e prosedura korekto. Pa oposishon e dokumentonan ku a keda traha ta ilegal i pa motibu ei nan ke pa RvA analisá e kuestion. Den siman, e reunion di komishon sentral a keda suspendé despues ku Norberto Ribeiro di KdNT a pidi pa agregá un punto di agènda, relashoná ku establesementu di e komishon “smart zoning”. Despues di un konsulta urgente, koalishon a opta pa laga e reunion sigui despues.